Continúa o Ciclo de Proxeccións Internacionalistas

Este 27 de febreiro chega a quinta xornada do Ciclo de Proxeccións Internacionalistas, organizado pola A.C. Alexandre Bóveda -integrada na Federación Galiza Cultura-, Mar de Lumes (Comité Galego de Solidariedade Internacionalista) e a Marcha Mundial das Mulleres.

Nesta ocasión, o filme que se proxectará é Cubanas: mulleres en revolución, co cal analizaremos o papel das mulleres na sociedade cubana, desde a Revolución até a actualidade.

Este documental está dirixido por María Torrellas e asinado no 2018. Para o debate contaremos con unha representación do Consulado de Cuba na Galiza.