A ASOCIACIÓN CULTURAL ALEXANDRE BÓVEDA (ACAB) fundouse na Coruña en agosto de 1976 e agrupa a un colectivo de persoas comprometidas coa lingua, a literatura e a cultura do país que traballa desde o asociacionismo cultural de base.

O intenso traballo sociocultural que realizamos ten como fin primordial contribuír a unha sociedade máis vertebrada, máis consciente e máis coñecedora do seu e con maiores cotas de igualdade entre homes e mulleres.
Para a AC Alexandre Bóveda é fundamental que o noso traballo dea ao protagonismo cidadá un papel relevante. Desde hai máis de 40 anos en ACAB traballamos para xerar dinámicas sociais a través da cultura que fomenten o coñecemento, a valorización da nosa propia historia, a identidade e a lingua e facelo desde o local, desde o máis próximo en contacto directo coas persoas.

Na nosa programación apostamos pola cooperación e a complicidade con outras asociacións (AELG, AS-PG, AV da cidade da Coruña, UDC, CRMH, CUAC FM, MMM, etc.) para agrandar na nosa actividade a dimensión máis social da cultura e ser ao tempo capaces de xerar contidos e discurso.

Ao tempo que mantemos outras dúas ferramentas dixitais como é o almanaque das Irmandades, un calendario de efemérides, en colaboración coa AS-PG,
www.almanaquedasirmandades.gal e a web do noso grupo de fotografía, Ollo de vidro www.ollovidro.gal