O poeta Xosé Iglesias presentará o seu álbum ilustrado Nación Mar. Cetáceos, navíos, espíritos e mitos.

Os pobos do mar, todos, sen distinción, son un na súa diversidade cando se enfrontan ao entorno que lles trae a vida e, en moitas ocasións, a morte. Os seres mariños poden ser cazadores ou presas, e as dúas cousas ao mesmo tempo. Sempre misteriosos, como o mundo que habitan. As sabias culturas ancestrais nunca os esquecen e por iso nas súas narracións anímannos a coñecelos, respectalos e mesmo imitalos para alcanzar o éxito na eterna loita pola supervivencia.

Que ten a obra viva dunha embarcación no seu interior, se nón o mesmo corazón dos cetáceos?

Nación Mar é un berro de vida, unha chamada de atención sobre un ecosistema que loita por sobrevivir sen perder a súa esencia.

Cantas veces lle teremos que pedir perdón o mar? A todos os deuses que arpoamos.

As súas fermosas evolucións ilustradas transmítennos perfectamente a beleza deste fascinante universo, a simbiose entre os seus moradores e o valor dos coñecementos nados da experiencia, ás veces tráxica, sempre esforzada, convertida nun tesouro transmitido a través de xeracións.

Fican nestas acuarelas as metamorfoses da vida.

Xosé Iglesias é un patrón de pesca da Galiza. Coas raíces ben chantadas na tradición ancestral do oficio de mariñeiro, herdado do seu bisavó, e toda unha vida tendo o océano como base principal do seu traballo.

O acto é gratuíto e de acceso libre ata encher o local.