Visitaremos esta exposición en martes 31 de maio e en 13 de xuño, ás 17:55.

Esta mostra ofrece un percorrido pola historia da arte do século XX a través de tecidos deseñados por artistas de primeira liña, con exemplos senlleiros que se insiren nalgúns dos principais movementos artísticos: fauvismo, cubismo, abstracción, surrealismo e pop art. Composta por máis dun centenar de obras, esta exposición presenta unha importante panorámica dos tecidos como forma de arte popular na Gran Bretaña, os Estados Unidos e a Europa do século XX.

Esta actividade é gratuíta e aberta á veciñanza, mais, como as prazas son limitadas, a admisión farase por orde de inscrición. Se quixeres asistir coa Asociación Agra, debes inscribirte no local veciñal (entre as 18 e as 20 h, de luns a venres, rúa Entrepenas 38 soto), enviando un correo a agra@galizacultura.gal ou por teléfono / telegram / whatsapp -981261044-604031338- indicando o teu nome e teléfono de contacto.