Os luns 26 de xullo, 2 e 23 de agosto visitamos o pazo de Meirás, un símbolo da impunidade do franquismo, incorporado ao patrimonio colectivo grazas á reivindicación popular e á investigación histórica.

Organizamos estas visitas en colaboración co Concello de Sada e coa Asociación cultural Irmáns Suárez Picallo, en cuxa directiva participan quen serán os nosos guías, Carlos Babío Urkidi e Manuel Pérez Lorenzo, que son os autores do libro “Meirás, un pazo, un caudillo, un espolio”, obra chave na sentenza que devolveu o pazo ao ben público ao documentar o espolio que a ditadura realizou para que o pazo acabase en mans de Franco e os seus descendentes.

O percurso faise ao aire libre.

É de balde, mais, por mor da pandemia, é preciso  e limitar o grupo a un máximo 20 persoas. O transporte até a pazo é por conta de cadaquén.

Con estas visitas damos un paso máis para facer deste conxunto, por fin recuperado como ben público, un lugar para a memoria democrática.