Espectáculo grellado de maxia con prebe de lingua situado no ano 109 d.CE. (despois de Celso Emilio) ou ano 2020 nalgunhas civilizacións.

“Por amor á palabra”, un festival para as familias, crianzas e adultas, será neste ano 2020 un intre máxico-lingüístico para lembrarlle ó google que aquí non sabemos onde están: Arteijo, Mugía, Rianjo nin Sangenjo.

Un feixe de sorpresas, participación da concorrencia e tamén cheo de: anormalidades decotío no uso do galego, a realidade laboral do idioma e a marabilla de posuír un “Monte Pindo” de fala propia, nun espectáculo de ilusionismo máis sorprendente que atopar un programa cultural na televisión.

En resumo, un encontro cun fío condutor:
“falar galego porque si, porque nos peta”.

Elenco: Fani Triana e Martín Camiña

A quen vai dirixido: Para público en xeral

Cando: 17/12/2020

Horario: 19.00 h
* Ás 18:30 h. abrirá a porta. Pídese presentarse no auditorio con antelación suficiente para que o persoal encargado asigne os asentos.

Duración: 90 minutos

Enderezo: Auditorio do Centro Sociocultural Ágora. Lugar Agramela 17. 15010 A Coruña

Número de prazas: 88 + 3 para usuarias/os de cadeira de rodas.

Prezo: A entrada será de balde, mais agradeceremos achegas colaborativas para a caixa de alimentos que doaremos á Cociña Económica da Coruña; a achega só poden ser un quilo ou un litro de algún destes produtos: aceite de xirasol, garavanzos, lentellas, fabas, sal, café moído natural, azucre.

Requisitos:

Será de OBRIGADO cumprimento:

• O uso de máscara (excepto aquelas persoas exentas pola lexislación vixente).

• Lavar as mans con xel hidroalcohólico á entrada e á saída do edificio.

• O uso da butaca asignada polo persoal da sala. Non está permitido o desprazamento, salvo que o persoal da sala o autorice.

• Manter a distancia de seguridade, sobre todo á entrada e á saída para evitar aglomeracións.

• Respectar a sinalización.

• Seguir en todo momento as indicacións do persoal da sala.

RECOMÉNDASE:

• Limitar o máximo posible o uso dos aseos.

• Actuar con responsabilidade.

• Organizadora:

Asociación veciñal, cultural, deportiva e recreativa do barrio da Agra do Orzán “Agra”

Contacto:

agra@galizacultura.gal