Ola,

Abrimos xa o prazo de inscrición para os cursos gratuítos de xullo de baile tradicional, pandeireta e pandeiro, para os que temos solicitada unha subvención da Deputación da Coruña. Sempre que as condicións metereolóxicas o permitan desenvolverémolos ao aire libre, na praza das Cunchiñas, de luns a venres, en quendas de mañá ou tarde:

·         mañá: de 11:30 h a 13:30 h

·         tarde: de 16:30 h a 18:30 h

o   Luns, mércores e venres, nas primeiras horas: pandeireta e nas segundas baile

o   Martes e xoves, nas primeiras horas pandeiro e nas segundas baile.

As prazas son limitadas e repartidas en grupos por idades (menores/maiores de 15 anos). Para inscribirse, deben indicarse:

• Apelidos e nome
• Teléfono de contacto
• Idade
• Actividade que quere: pandeireta, pandeiro e/ou baile
• Nivel que se ten no dominio do instrumento ou actividade
• Sesión que lle interesa: mañá ou tarde

Pode facerse a inscrición por correo electrónico (agra@galizacultura.gal) ou presencialmente no local veciñal (das 18 ás 20 h. de luns a venres, agás feriados).