Voltan os obradoiros gratuítos de pandeireta e baile tradicional nas rúas do barrio da Agra do Orzán no mes de xullo. Dirixidos á veciñanza de todas as idades. Ocasión de lecer interxeracional, ao aire libre, ocupando o espazo público.

Formaranse grupos de mañá e grupos de tarde, cun mínimo de dez persoas por grupo. Por mor da prevención da pandemia da COVID-19, debemos limitar os grupos a un máximo de quince persoas.

Serán de luns a venres, do 5 ao 30 de xullo.

Horarios:

– Das 11:30 ás 12:30h. pandeireta

– Das 12:30 ás 13:30h. baile

– Quenda de tarde: das 16:30 ás 17:30h e das 17:30 ás 18:30 h.

Desenvolveranse ao aire libre. Aínda que hai dous anos procuramos desenvolvelos en rúas diversas do barrio, a situación da pandemia aconsella limitar este ano só unha localización; serán na prolongación da rúa Barcelona, na altura dos números 68 e 83); se chover, faranse no local veciñal.

Información e inscrición: achegándose ao lugar indicado ou a través de

– correo electrónico: agra@galizacultura.gal

– instagram da monitora: @gaelinha

Subvenciona a Deputación da Coruña (https://www.facebook.com/daccultura/)