Francisco Rodríguez falaranos da singularidade do reino de Galiza no conxunto peninsular da Idade Media, cunha preponderancia sempre ocultada e negada pola historiografía españolista.

Contar a historia medieval como realmente foi revela unha realidade que bota por terra crenzas míticas e sitúa a orixe do primeiro reino cristiá na Península na Galiza, e coloca este reino e as súas creacións, iniciativas e proxeccións, como a entidade política máis relevante fronte ao mundo musulmán, durante varios séculos.

Entenderemos así a riqueza e magnitude dos monumentos (o idioma, a catedral de Santiago de Compostela, os tombos etc.) que chegaron aos nosos días, sobrevivindo ao alleamento. A nosa historia, o noso orgullo!