A mediados do s. XIX unha importante comunidade de emigrantes galegos, moraba nos barrios pobres de Lisboa. Eran coñecidos polo seu carácter traballador e honrado. As tascas e tabernas de galegos,  en Alfama,  Mourería e outros barrios, tiñan moita sona.

Naqueles tempos, nas noites das tascas lisboetas, envolto en misterio e saudade, soaba un novo canto do pobo, que ascendía nos ventos sobre a cidade… Nacía o fado.

E co fado como nexo de unión entre as saudades portuguesas e galegas, a cantora galega Iria Estévez convida o fadista lisboeta Tiago Correia, para gozarmos dunha inesquecible NOITE DE FADO.

Este concerto, como todo o programa Agra no Ágora, de colaboración entre a Asociación Veciñal Agra e o Concello da Coruña, é de entrada libre e gratuíta.

Elenco:           Iria Estévez…………………………. Voz

                         Tiago Correia……………………….. Voz

                         Artur Caldeira………………………. Guitarra portuguesa

                         Daniel Paredes …………………….. Viola

A quen vai dirixido: público en xeral

Cando: sábado 11/11/2023 ás 20:15 h.

Duración: 90 minutos

Onde: Auditorio do Centro Sociocultural Ágora. Lugar Agramela 17. 15010 A Coruña

Prezo: de balde

• Organizadora: Asociación veciñal, cultural, deportiva e recreativa do barrio da Agra do Orzán “Agra”