O xoves 20 de febreiro ás 20 h, Lucía Veciño presentará no local veciñal o caderno Mulleres na construción da nación galega, editado por Vía Galega coa axuda da Deputación da Coruña.

O caderno recolle sete estudos nos que se pon en valor o papel protagonista das mulleres na historia de Galiza de finais do século XIX e inicios do XX.

A través desta publicación coral, na que participan Aurora Marco, Pilar García Negro, Margarida Corral, Carme Vidal, Daniela Ferrández, Montse Fajardo e Lucía Veciño, repásase a impronta imborrábel e imprescindíbel das mulleres na guerrilla antifranquista, nas loitas obreiras e labregas, así como na construción e posterior reconstrución do nacionalismo galego e na loita polas liberdades sexuais.

Coa presentación desta pequena obra pretendemos contribuír á memoria e á historia dun pobo cheo de dignidade, combatividade e rebeldía rescatando do esquecemento as súas protagonistas.

As persoas asistentes recibirán un exemplar de agasallo.

A entrada é libre ata encher o local.