En xoves, 27 de abril, ás 20:00 h. no local veciñal (rúa Entrepenas 38, A Coruña) realizaremos o terceiro recital poético en que grupo veciñal que participa na actividade Gosto de vivir a poesía fará unha lectura pública de poemas de Anxo Angueira, que nos acompañará neste encontro.

Beatriz Maceda, vicepresidenta da Asociación de Escritoras e Escritores en Lingua Galega, fará unha introdución sobre a vida e obra do autor homenaxeado.

A entrada é de balde.

Anxo Angueira será un dos autores homenaxeados no libro “No celeiro dos versos” de Ricardo Seixo, coordinador do noso club de lectura de poesía, que está escolmando algúns poemas seus dedicados a diversas poetas que homenaxeamos coa actividade Gosto de vivir a poesía. Solicitamos unha axuda económica da Área de Cultura da Deputación da Coruña para imprimilo. Agradecemos as colaboracións de Pilar García Negro que fixo o limiar e de Sechu García Alfonso pola cesión das fotografías coas que ilustraremos algúns dos poemas.