Estreamos este novo festival de artes escénicas (música, teatro, maxia-ilusionismo, circo, danza-acrobacia) do programa Agra no Ágora. A actriz Diana Sieiro presentará Guadi Galego, Isabel Risco, MAGO TETO, a trapecista Sue Moreno e vídeos de Pallasos en Rebeldía 🎪

…e uns pobos quixeron ter o dos outros, e desexaron ser máis poderosos que os outros, e entenderon que debían construír ferramentas para eliminar a todos os que non pensaran como eles ou non aceptaran o que eles querían. Chamáronas ARMAS. E foi o momento que apareceu a propiedade privada que xerou múltiples enfrontamentos, que deron en chamar GUERRAS…
E aquí estamos hoxe a decidir se queremos ser parte da humanidade ou da inhumanidade.
De que lado estás ti?

📍Domingo 01/10/2023 ás 19:30 h. no Auditorio do Centro Sociocultural Ágora. (Lugar Agramela 17. 15010 A Coruña)
Como todas as actividades do programa Agra no Ágora, de colaboración entre a Asociación Veciñal Agra e o Concello da Coruña, ten a entrada libre e gratuíta. Non fai falla reserva ningunha. Non é precisa reserva, só cómpre chegar con antelación abonda.