Dous espectáculos teatrais nesta edición do festival de artes escénicas A fonética dos corpos, do programa “Agra no Ágora”.

QUERCUS ROBUR

Participantes na actividade “Teatro interxeracional”, da asociación veciñal Agra, representan a peza Quercus robur.

SINOPSE: tanto quercus como robur eran os nomes romanos dados aos carballos en xeral e á súa madeira; robur tamén facía alusión á fortaleza e perseverancia de ánimo. Que sucedería se tres individuos saen da súa carballeira para meterse nun competitivo bosque de asfalto?

REPARTO: Javi Tink, Flor Del Pópolo e Pepe Rodríguez

AUTORÍA: Flor Del Pópolo e Javi Tink

ESCENOGRAFÍA: Rosalía Bello Cao

A SEÑORA DE FORCADELA

SINOPSE: Josefa García Segret, muller represaliada, autora do texto autobiográfico Abajo las dictaduras, non pode resignarse ao esquecemento e trae a escena a súa memoria e o seu desexo de facer xustiza. Como ela mesma di, débello á súa vida destruída e a todas as persoas que loitaron pola liberdade.

REFERENTE HISTÓRICO: Baseado na biografía de Josefa García Segret (Tui, 1900 – Oleiros, 1986), mestra que en 1936 estaba destinada na aldea de Forcadela, concello de Tui. Por militar nun partido democrático de esquerdas e non practicar a relixión católica sufriu todo tipo de represións; persecución, cárcere, abusos, pena de morte. Librou da condena grazas á implicación solidaria do médico e xornalista Darío Álvarez Blázquez. A partir do relato dos feitos de Josefa e Darío, Os Quinquilláns crearon A señora de Forcadela, un espéctáculo teatral didáctico promovido polo Departamento de Memoria Histórica da Deputación de Pontevedra para o catálogo ‘O Pasado Por Vir’, para reivindicar a Memoria Histórica cunha perspectiva de xénero.

TIPO DE PÚBLICO: A partir dos 12 anos e persoas adultas en xeral

ELENCO: Lucho Penabade, Tero Rodríguez

TÉCNICO LUZ E SON: Bandín Audio

VESTIARIO: Beti Busto

ESCENOGRAFÍA e ATREZZO: Os Quinquilláns

ESPAZO SONORO: Orjais

DRAMATURXIA E DIRECCIÓN: Os Quinquilláns

A quen vai dirixido:

Para público en xeral

Cando:

20/10/2022

Horario:

20.00 h

* Ás 19:30 h. abrirá a porta. Pídese presentarse no auditorio con antelación suficiente para que o persoal encargado asigne os asentos. Ás 20 h. pecharase o acceso.

Duración:

• Quercus robur: 30 minutos
• A señora de Forcadela: 50 minutos

Enderezo:

Auditorio do Centro Sociocultural Ágora. Lugar Agramela 17. 15010 A Coruña

Prezo:

de balde

Organizadora:

Asociación veciñal, cultural, deportiva e recreativa do barrio da Agra do Orzán “Agra”

Contacto:

agra@galizacultura.gal