De Ninghures fan música cos pés na terra e os brazos abertos. Son unha das bandas referentes da potente e rica escena do folk galego actual. Un grupo que mestura mestría musical e actitude desenfadada, que sorprende en cada canción coas súas diferentes voces e a súa actualización das coplas e melodías populares, e que nos fai tanto bailar como emocionarnos coa súa particular fusión da música tradicional galega con ritmos e inspiracións doutras culturas como a latinoamericana ou a magrebí. En 2022 publicaron Aquí o seu primeiro álbum. Levan máis de medio cento de concertos e algúns sinxelos despois, coma o exitoso ‘Morena’. Presentan traballo e espectáculo novo: Feira.

De Ninghures é un proxecto musical que navega entre a tradición e a experimentación, creando unha sonoridades única que celebra a riqueza da cultura galega mentres a impulsacara ao futuro. O grupo formado por talentosos músicos, mestura as raíces do folclore galego con influencias contemporáneas, resultando unha proposta fresca e chea de identidade.

As súas composicións destacan pola intensidade emocional e a profundidade das súas letras, sempre ligadas á terra, á natureza e as vivencias colectivas e persoais coa forza das súas voces e instrumentos. De Ninghures consegue transportar ao público a unha experiencia musical que desafía etiquetas, facendo da súa música unha ponte entre o pasado e o presente.

Cada concerto de De Ninghures é unha viaxe sonora que convida e redescubrir o patrimonio galego baixo unha nova luz, demostrando que a nosa tradición é un motor de innovación.

De Ninghures é un grupo imprescindíbel para quen busca sentir a alma de Galiza en cada acorde.

Este festival, como todas as actividades do programa “Agra no Ágora” son de acceso libre, de balde e non se precisa reserva previa; o programa está financiado polo Concello da Coruña e deseñado en colaboración coa Asociación veciñal Agra.

A quen vai dirixido: para público en xeral

Cando: 20/12/2025

Horario: 19:30 h

Duración: 70 minutos

Enderezo: Auditorio do Centro Sociocultural Ágora. Lugar Agramela 17. 15010 A Coruña

Prezo: de balde

Organizadora: Asociación veciñal, cultural, deportiva e recreativa do barrio da Agra do Orzán “Agra”

Contacto: agra@galizacultura.gal