A profesora Renée DePalma vainos proxectar os capítulos 4,5 e 6 da serie documental “Axudádeme a cantar” e charlaremos con ela sobre pasado, presente e futuro desta nosa cultura oral.

Co verso “Axudádeme a cantar” chámase nas foliadas ou seráns a facer quendas para as cantadoras/es poderen tamén bailar.

Carme López, Renée DePalma e Xulia Feixoo, da Sección de Lingua, Literatura e Comunicación do Consello da Cultura Galega, dirixiron o documental “Axudádeme a cantar” para pór en valor o canto con percusión que durante anos formou parte da vida cotiá das aldeas e vilas galegas, e explicar as múltiples causas que crebaron a transmisión xeracional desa literatura oral sostida por mulleres. As protagonistas son as tocadoras tradicionais, as divulgadoras e as artistas modernas que beben da tradición.

A entrada é de balde e libre ata encher a capacidade do local.