
100 Voltas de Verónica Codesal en cuarteto
- Posted by Administrador 2 AGRA
- On 15 Xullo, 2023
- 0 Comments
- Agra no Ágora, Asociación Veciñal Agra, Centro sociocultural Ágora
concerto que terá lugar este mércores 26/07/2023 ás 20:30 h. no auditorio do Centro Ágora (A Coruña): 100 Voltas de Verónica Codesal en cuarteto
100 Voltas é un proxecto cargado de cultura e tradición galega, concibido como un elemento vivo en constante evolución. Un repertorio que conserva a esencia do pasado incorporando elementos contemporáneos e diversos instrumentos: violín, instrumentos electrónicos, acordeón diatónico…
Verónica Codesal é a única galega que gañou o 2º premio de Eurovisión representando a Bélxica no festival e ademais gravou nove discos como integrante dos grupos Ialma e Urban Trad.
Embaixadora galega polo mundo, representando Galiza e Bélxica, canta sempre un tema na lingua do país que a convida. Madriña de Nunca Máis con Manu Chao por Europa.
O disco 100 Voltas recolle o seu compromiso como muller e feminista. Pediu colaboracións a poetas contemporáneas galegas que escribiron para ela alghunas das cancións. Deste xeito, amais dos textos tradicionais propios, tamén os hai de Lucía Aldao, Yolanda Castaño, Rosalía Fernández Rial e Brais Fernandes, a través dos que contan as súas historias de mulleres, esposas, parellas, nais, fillas, amigas, traballadoras, artistas, activistas…
Mercedes Peón colaborou na produción e arranxos, percusión e voz adicional nalgúns dos temas do disco 100 Voltas.
Os músicos internacionais traballaron os arranxos e composicións e tamén reinterpretaron con arranxos as pezas tradicionais galegas no disco 100 Voltas:
Didier Laloy é un dos mellores acordeonistas diatónico do mundo, e solista en orquestras sinfónicas de Alemaña, Italia, Cuba e Bélxica.
Damian Chierici vén do mundo clásico e do rock; xira con moitos grupos belgas por Europa.
Boris Tchango arrequece o proxecto 100 VOLTAS coas súas influencias, ritmos e forza.
100 VOLTAS está de xira con axuda da Fédération Wallonie-Bruxelles, Xunta de Galicia, Embaixada de España no Reino de Bélxica, cidade de Loon-Plage, Festival Het Lindeboom, Foyer Culturel de Sprimont e Centre Culturel Régional de Dinant.
Incorporouse á programación Agra no Ágora, de colaboración entre a Asociación Veciñal Agra e o Concello da Coruña, que oferta a entrada libre e gratuíta.
Elenco: Verónica CODESAL………………… Voz e percusión
Didier LALOY (Bélxica)…………….. Acordeón diatónico, stompbox
Damien CHIERICI (Bélxica)………. Violín, instrumentos electrónicos
Boris TCHANGO (Togo) ………….. Percusións, batería
Duración: 75 minutos
A quen vai dirixido: público en xeral
Cando: mércores 26/07/2023 ás 20:30 h.
Onde: Auditorio do Centro Sociocultural Ágora. Lugar Agramela 17. 15010 A Coruña
Prezo: de balde. Non fai falla reserva ningunha; as butacas ocúpanse por orde de chegada, ata completar a capacidade.
0 Comments